ఆంధ్రభారతి - తాళ్లపాక అన్నమాచార్య కీర్తనలు - ఇందువల్ల నేమిగద్దు యినుపగుగ్గిళ్లింతే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 156-6
సంపుటము: 2-268

తాళ్లపాక అన్నమాచార్య

రాగము: ముఖారి

ఇందువల్ల నేమిగద్దు యినుపగుగ్గిళ్లింతే యిందిరారమణు సేవే యిరవైన పదవి	॥పల్లవి॥
సతులతో నవ్వులు చందమామగుటుకలు మతితలపోఁత లెండమావులనీళ్ళు రతులతో మాటలు రావిమానిపువ్వులు తతి విరహపుకాఁక తాటిమావినీడ	॥ఇందు॥
లలనల జవ్వనాలు లక్కపూసకపురులు నెలకొని సేసే బత్తి నీటిపై వ్రాత చెలువపు వినయాలు చేమకూరశైత్యాలు కొలఁదిలేని ననుపు గోడమీఁది సున్నము	॥ఇందు॥
పడఁతుల వేడుకలు పచ్చివడఁగండ్ల గుళ్లు కడుమోవితీపు చింతకాయకజ్జము బడి నలుమేలుమంగపతి శ్రీవేంకటేశ్వరుఁ- డడరించిన మాయలు అద్దములో నీడలు	॥ఇందు॥