ఆంధ్రభారతి - తాళ్లపాక అన్నమాచార్య కీర్తనలు - విచార మెన్నఁడు లేదు వీరిడి జీవులకును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 157-3
సంపుటము: 2-271

తాళ్లపాక అన్నమాచార్య

రాగము: లలిత

విచార మెన్నఁడు లేదు వీరిడి జీవులకును పచారించేరు బ్రదుకు బ్రహ్మనాటనుండియు	॥పల్లవి॥
పొద్దువొడచుటయును పొరిఁ గూఁగుటయె కాని అద్దుకొని మిగులఁగ నందేమి లేదు వొద్దికఁ బుట్టుటయును వుడుగఁ జూచుటె కాని కొద్దితోడఁ గాలమేమి గురియై నిలువదు	॥విచా॥
అన్నము భుజించేదియు నాఁకలి గొనేదెకాని యెన్నికకుఁ జెప్పిచూప నేదియు లేదు ఇన్నిటఁ దిరిగాడేది ఇంటికి వచ్చేదే కాని పన్ని తననిలుకడ భావించ లేదు	॥విచా॥
జవ్వనము మోఁచేదియు సరి ముదుసేదే కాని తవ్వి కట్టుకొనే దేది దాఁచే దేది నవ్వుతా నలమేల్మంగనాయక శ్రీవేంకటేశ రవ్వల నీ వేలికవు రక్షించు మిఁకను	॥విచా॥