ఆంధ్రభారతి - తాళ్లపాక అన్నమాచార్య కీర్తనలు - భోగము నేను నీకు, భోగివి నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 157-6
సంపుటము: 2-274

తాళ్లపాక అన్నమాచార్య

రాగము: లలిత

భోగము నేను నీకు, భోగివి నీవు శ్రీగురుఁడ విన్నిటాను చిత్తగించు నన్నును	॥పల్లవి॥
చక్కని జన్మపు సంసారవృక్షమునకు పక్కున(వ) ఫలము నీవు భావించగా మక్కువఁ గర్మమనేటి మత్తగజమునకును యెక్కిన మావటీఁడవు యెంచఁగ నీవు	॥భోగ॥
నెట్టన దేహమనేటి నిర్మలరాజ్యమునకు పట్టమేలుచుండిన భూపతివి నీవే దిట్టమైన చిత్తమనే తేజిగుఱ్ఱమునకు వొట్టుక రేవంతుఁడవు వుపమింప నీవు	॥భోగ॥
సంతతమైన భక్తిచంద్రోదయమునకు రంతులఁ జెలఁగు సముద్రమవు నీవు చెంతల శ్రీవేంకటేశ జీవుఁడనే మేడలోన అంతర్యామివి నీవు అంకెలఁజూచినను	॥భోగ॥