ఆంధ్రభారతి - తాళ్లపాక అన్నమాచార్య కీర్తనలు - గట్టిగాఁ దెలుసుకొంటే కన్నదే కంటి గురుమ (తు?) - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 158-2
సంపుటము: 2-276

తాళ్లపాక అన్నమాచార్య

రాగము: గౌళ

గట్టిగాఁ దెలుసుకొంటే కన్నదే కంటి గురుమ (తు?) దట్టమైన సుజ్ఞానము తనలోనే వున్నది	॥పల్లవి॥
బయలే పంటలు వండె బయలే పాఁడి విదికె బయలు ప్రపంచమై భ్రమయించెను బయటనే ప్రకృతియు బయటనే జీవులు బయటనే బ్రహ్మము పరిపూర్ణమాయె	॥గట్టి॥
ఆకసము చూలాయ నాకసము రూపులాయ- నాకసము సంసారమై యలవడెను ఆకసాన దివియును నాకసాన లోకములు ఆకసాన శ్రీహరి యవతారమందెను	॥గట్టి॥
అంతరంగమే భోగము అంతరంగమే యోగము అంతరంగమే అన్నిటి కావాసమయ్యే అంతరంగాన శ్రీవేంకటాధిపుఁ డున్నవాఁడు అంతరంగాన మోక్షము అతఁడే యొసఁగెను	॥గట్టి॥