అధ్యాత్మ సంకీర్తన
రేకు: 158-5
సంపుటము: 2-279
రేకు: 158-5
సంపుటము: 2-279
తాళ్లపాక అన్నమాచార్య
రాగము: శ్రీరాగం
| సకలలోకనాథుఁడు జనార్దనుఁ డితఁడు శుకయోగివంద్యుని సుజ్ఞాన మెంత | ॥పల్లవి॥ |
| మరుని తండ్రికిని మఱి చక్కఁదనమెంత సిరిమగని భాగ్యము చెప్పనెంత పురుషోత్తము ఘనత పొగడఁగ నిఁక నెంత గరిమ జలధిశాయి గంభీర మెంత | ॥సక॥ |
| వేవేలు ముఖాలవాని నిగ్రహము చెప్ప నెంత భూవల్లభుని వోరుపు పోలించ నెంత వావిరి బ్రహ్మతండ్రికి వర్ణింప రాజస మెంత యేవల్లఁ జక్రాయుధుని కెదురెంచ నెంత | ॥సక॥ |
| అమితవరదునికి ఔదార్యగుణ మెంత విమతాసురవైరివిక్రమ మెంత మమతల నలమేలుమంగపతి సొబ గెంత అమర శ్రీవేంకటేశు ఆధిక్య మెంత | ॥సక॥ |