ఆంధ్రభారతి - తాళ్లపాక అన్నమాచార్య కీర్తనలు - కోటిమన్మథాకార గోవింద కృష్ణ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 158-6
సంపుటము: 2-280

తాళ్లపాక అన్నమాచార్య

రాగము: సామంతం

కోటిమన్మథాకార గోవింద కృష్ణ పాటించి నీమహిమలే పరబ్రహ్మము	॥పల్లవి॥
అకాశమువంటి మేన నమరేమూ ర్తివి గాన అకాశనదియే నీకు నభిషేకము మేకొని నీవే నిండుమేఘవర్ణుఁడవు గాన నీకు మేఘపుష్పాలే పన్నీరుకాపు	॥కోటి॥
చంద్రుడు నీమనసులో జనించె నటుగాన చంద్రికలు కప్రకాపై సరి నిండెను ఇంద్రనీలపుగనుల యిలధరుఁబడవు గాన తంద్రలేని యీపె చూపే తట్టు పునుఁగాయను	॥కోటి॥
లక్ష్మీపతివిగాన లాగుల నీవురముపై లక్ష్మి యలమేలుమంగే లలి నీతాళి సూక్ష్మమై శ్రీవేంకటేశ చుక్కలపొడవు గాఁగ పక్ష్మనక్షత్రములే యాభరణహారములు	॥కోటి॥