ఆంధ్రభారతి - తాళ్లపాక అన్నమాచార్య కీర్తనలు - అన్నిటికి మూలమని హరి నెంచరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 159-3
సంపుటము: 2-284

తాళ్లపాక అన్నమాచార్య

రాగము: సామంతం

అన్నిటికి మూలమని హరి నెంచరు పన్నిన మాయలో వారు బయలు వాఁకేరు	॥పల్లవి॥
ప్రకృతిబోనుల లోపలఁ జిక్కి జీవులు అకట చక్కనివార మనుకొనేరు సకలపుణ్యపాపాల సంది జన్మములవారు వెకలి సంసారాలకే వేడుకపడేవారు	॥అన్ని॥
కామునియేట్ల దిగఁగారేటి దేహులు దోమటి తమబదుకే దొడ్డదనేరు పామిడి కోరికలకు బంట్లైనవారలు గామిడితనాలఁ దామే కర్తలమనేరు	॥అన్ని॥
యితరలోకాలనెడి యేఁతపుమెట్ల ప్రాణులు కతల వెూక్షమార్గము గంటిమనేరు తతి నలమేల్మంగపతి శ్రీవేంకటేశ్వర మతకాన నున్నవారు మారు మలసేరు	॥అన్ని॥