ఆంధ్రభారతి - తాళ్లపాక అన్నమాచార్య కీర్తనలు - ఏఁటి జాణతనమే యేమే నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 159-4
సంపుటము: 2-285

తాళ్లపాక అన్నమాచార్య

రాగము: వరాళి

ఏఁటి జాణతనమే యేమే నీవు కోటియైనా యాఁటది కక్కూరితికిఁ జొచ్చునా	॥పల్లవి॥
వరుసకువచ్చి యావనిత గాచుకుండఁగా యెరవులసన్నఁ బతినేల పిల్చేవే తెరమఱంగున నొక్కెతకు మీఁదెత్తిన మోవి యిరవుగ నీకది యెంగిలిగాదా	॥ఏఁటి॥
పొందైనయాపె యింటిలో బోనము వెట్టుకుండఁగా విందు నీవేల చెప్పేవే విభునికిని అందాకె మనసు పెట్టినటువంటి కాఁగిలి- కిందటనే వాఁడి మిగిలినది గాకా	॥ఏఁటి॥
సేసవెట్టిన మగువ చెఱఁగువట్టుకుండఁగా ఆసతో నీవెట్టు గూడి యలరితివే యీసరినే శ్రీవేంకటేశుఁ డిట్టె నన్నుఁ గూడె వోసరించితే బువ్వము వూరఁబొత్తుగాదా	॥ఏఁటి॥