ఆంధ్రభారతి - తాళ్లపాక అన్నమాచార్య కీర్తనలు - ఇన్నిటికిఁ బ్రేరకుఁడు యీశ్వరుఁడింతే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 160-2
సంపుటము: 2-288

తాళ్లపాక అన్నమాచార్య

రాగము: మాళవిగౌళ

ఇన్నిటికిఁ బ్రేరకుఁడు యీశ్వరుఁడింతే పన్ని యీతనిఁ దెలిసి బ్రదుకుటే జ్ఞానము	॥పల్లవి॥
మనసునఁ బుట్టిన మంకుఁ గామక్రోధాలు పనిలేవు తనకంటేఁ బాప మంటదు పనివి తొడమ నూడి పండు తీఁగె నంటదు జనులకెల్లాఁ బ్రకృతిసహజ మింతే	॥ఇన్ని॥
చేతులారఁ జేసేటి చేకొన్న కర్మానకు ఘాతలఁ గర్తఁ గానంటే కట్టువడఁడు ఆతల నబక ముంచినట్టి వేఁడి చెయ్యంటదు జాతి దేహము మోఁచిన సహజ మింతే	॥ఇన్ని॥
వాకున నాడినయట్టి వట్టి పల్లదాలనెల్లా దాకొని పొరయనంటే తప్పులే లేవు పైకొని శ్రీవేంకటేశుబంటుకు వళకు లేదు సైకమైన హరిభక్తి సహజ మింతే	॥ఇన్ని॥