ఆంధ్రభారతి - తాళ్లపాక అన్నమాచార్య కీర్తనలు - ఇటులైతేఁ బుణ్యము నీకు యిది వుపకారంబౌను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 162-1
సంపుటము: 2-297

తాళ్లపాక అన్నమాచార్య

రాగము: గౌళ

ఇటులైతేఁ బుణ్యము నీకు యిది వుపకారంబౌను తటుకన నీ కీరితి వొగడుదురు తలకొని యిందరును	॥పల్లవి॥
సురాసురగంధర్వయక్షులు మిమ్ముఁ దెలియఁగలేరు పరాశరాదులు మీరూపు భావించఁగలేరు నరు లెరుఁగుదురా మిమ్ము నారాయణ నీవే సులభఁడవై కరీంద్రుఁ గాచినయటువలెఁ గాతువు గాక	॥ఇటు॥
సనాతనబహువేదశాస్త్రంబులు మిమ్ముఁ నుతింపలేవు అనంతయజ్ఞంబులు మిమ్ము నటు సాధించఁగలేవు తనూధరు లెంతటివారు దామోదర నీవే అహల్యను వినోదముగఁ గాచినయటువలె వెసఁ గాతువు గాక	॥ఇటు॥
రమాసతి నీళామహిరామలు మీతలఁ పెఱంగరు సమేతులైన శేషాదులు మీజాడ మీరలేరు తమోమయు లిందరును ధరణిధర శ్రీవేంకటేశ నమోనమో యని మొక్కంగాఁ ననుఁగాతువు గాక	॥ఇటు॥