ఆంధ్రభారతి - తాళ్లపాక అన్నమాచార్య కీర్తనలు - సరిగాఁడు వీఁడనవలదు జగమున రాజు వలసినది దేవులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 162-2
సంపుటము: 2-298

తాళ్లపాక అన్నమాచార్య

రాగము: సామంతం

సరిగాఁడు వీఁడనవలదు జగమున రాజు వలసినది దేవులు యిరవుగ నందరు లోకములోపల యిది నానుడిమాట	॥పల్లవి॥
జగదేకబంధుఁడవట సకలజీవులకును గుఱుతుగ మొగము చూపవయ్యా మీకు మొక్కెద నిదె నేను తగులైన చుట్టరికము దాఁచఁగ నిఁకనేలా తెగరాని మమకారము తెలుపఁగవలెఁ గాని	॥సరి॥
యితవైన ప్రాణమవట యీచరాచరములకు అభయము సతత మియ్యవయ్యా మాకును సన్నుతింతు నిన్ను మతిఁ బాయని కూటంబులు మానుప మరి యాలా జతనంబునఁ జాలాఁ బ్రియములు జరపఁగవలెఁ గాని	॥సరి॥
నెలవైన యేలికెవట నీదాసులకెల్లా వేళలు దెలియఁజెప్పవయ్యా మిమ్మును తిరముగఁ గొలిచెదను బలువయిన శ్రీవేంకటేశ పరాకు లిఁకనేలా చెలరేఁగి నీసులభత్వమే చెల్లించవలెఁ గాని	॥సరి॥