ఆంధ్రభారతి - తాళ్లపాక అన్నమాచార్య కీర్తనలు - ఆనతియ్యఁగదవే అందుకే కాచుకున్నాఁడను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 163-1
సంపుటము: 2-301

తాళ్లపాక అన్నమాచార్య

రాగము: సామంతం

ఆనతియ్యఁగదవే అందుకే కాచుకున్నాఁడను పూనుక నీవెంత నేర్పరివైనా భువి మనసుపేదను నేను	॥పల్లవి॥
కొలిచేమనే బంట్లు నీకుఁ గోటానఁగోట్లు గలరు నిన్నుఁ దెలిసేమనే జ్ఞానులు తెందేపలున్నారు తలఁచి వరములడిగేవారలు తలవెంట్రుకలందరు వారె యిల సందడిలో నాకొలువు యెటువలె నెక్కీనో	॥ఆన॥
పనులకుఁ బాల్పడినవారు బ్రహ్మాదిదేవతలట వినుతులు సేయఁ దొడంగినవె వేదరాసులట మునుకొని ధ్యానించువారు మునులెందరైనాఁ గలరట వినయపు నామనవి సనవులకు వేళ లెపుడు గలిగీనో	॥ఆన॥
వున్నతితోడుత నిన్ను మోఁచుటకు వున్నారు గరుఁడఁడు శేషుఁడు నీకు అన్నిటాను నీకాఁగిటిలోపల నలరీ నలమేల్మంగ యెన్నఁగ శ్రీవేంకటేశా నన్నును యేలితి వింతటిలోనే పన్నిన నా మొక్కులు నీ కేబాగులఁ జేరినో	॥ఆన॥