ఆంధ్రభారతి - తాళ్లపాక అన్నమాచార్య కీర్తనలు - సర్వేశ్వరా నీతో సరి యెవ్వరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 163-4
సంపుటము: 2-303

తాళ్లపాక అన్నమాచార్య

రాగము: ముఖారి

సర్వేశ్వరా నీతో సరి యెవ్వరు పూర్వపువారు చెప్పఁగాఁ బూఁచి కొలిచేఁ గాని	॥పల్లవి॥
చేరి వేదములు నిన్నుఁ జెప్పఁగా వినుటే కాని నీరూపము దర్శించేవార లెవ్వరు ధారుణిలో నీయవతారాలే చూచుట ధీరత నీమహిమలు తెలిసేవా రెవ్వరు	॥సర్వే॥
భూమివారిఁ జూచి నిన్నుఁ బూజలు సేయుట గాని కామించి నీతో మాటాడే ఘను లెవ్వరు దీమసాన నీ దాసుల ద్రిష్ట మెరుగుట గాని యీమేర నీ దైవిక మెరిగే వా రెవ్వరు	॥సర్వే॥
వరములు నీ వియ్యఁగా వచ్చి సేవించుట గాని కెరలి నీమూర్తి వెదకేవా రెవ్వరు హరి శ్రీవేంకటేశా నీకరుణవారౌట గాని అరసి నిన్ను సుద్దులడిగేవా రెవ్వరు	॥సర్వే॥