ఆంధ్రభారతి - తాళ్లపాక అన్నమాచార్య కీర్తనలు - ఇట్టి నా వెఱ్ఱితనము లేమని చెప్పుకొందును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 163-5
సంపుటము: 2-304

తాళ్లపాక అన్నమాచార్య

రాగము: ముఖారి

ఇట్టి నా వెఱ్ఱితనము లేమని చెప్పుకొందును నెట్టన నిందుకు నగి నీవే దయఁ జూడవే	॥పల్లవి॥
పాటించి నాలో నుండి పలికింతువు నీవు మాటలాడ నేరుతునంటా మరి నే నహంకరింతును నీటున లోకములెల్లా నీవే యేలుచుండఁగాను గాఁటాన దొరనంటా గర్వింతు నేను	॥ఇట్టి॥
నెమ్మదిఁ బ్రజలనెల్లా నీవే పుట్టించఁగాను కమ్మి నేనే బిడ్డలఁ గంటినంటా సంతసింతును సమ్మతి నీవే సర్వసంపదలు నొసఁగఁగాను యిమ్ముల గడించుకొంటి నివి నేనంటా నెంతు	॥ఇట్టి॥
మన్నించి యిహపరాలు మరి నీవే యియ్యఁగాను యెన్నుకొందు నాతపోమహిమ యిది యనుచును వున్నతి శ్రీవేంకటేశ నన్ను నేమి చూచేవు అన్నిటా నాయాచార్యు విన్నపమే వినవే	॥ఇట్టి॥