ఆంధ్రభారతి - తాళ్లపాక అన్నమాచార్య కీర్తనలు - ఇటు నిను దెలియఁగ ఎంతటివారము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 163-6
సంపుటము: 2-305

తాళ్లపాక అన్నమాచార్య

రాగము: ముఖారి

ఇటు నిను దెలియఁగ ఎంతటివారము తటుకున నాసలఁ దగులుట గాక	॥పల్లవి॥
నానామూర్తులు నగధర నీరూపు యే నెలవుల నిన్నెటువలెఁ దలఁచుట పూని నీ భావము పొందుగాఁ జెప్పఁగా వీనులు చల్లఁగా వినుటే కాక	॥ఇటు॥
పెక్కు నామములు బిరుదు లనంతము- లెక్కడ గొలదిగ నెన్నెని పొగడుట యిక్కువ సేసుక యిందులో నొకటి పక్కన నొకమరి పలుకుట గాక	॥ఇటు॥
వేవేలు గలవు నీ విహార భూములు యేవిధమున నెందెందని తిరుగుట శ్రీవేంకటేశా నీ శృంగారమెల్లను సేవించి ముదమునఁ జెలఁగుట గాక	॥ఇటు॥