ఆంధ్రభారతి - తాళ్లపాక అన్నమాచార్య కీర్తనలు - ఎవ్వరికి యెవ్వరయ్యేరు యిందరికి నీవే దిక్కు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 164-1
సంపుటము: 2-306

తాళ్లపాక అన్నమాచార్య

రాగము: ముఖారి

ఎవ్వరికి యెవ్వరయ్యేరు యిందరికి నీవే దిక్కు అవ్వలనివ్వల నీ వనాథనాథుఁడవు	॥పల్లవి॥
కాయకము లందురునుఁ గార్యవశపరులే పాయని నీ వకారణబంధుఁడవు దాయగాం డ్లెవ్వరినైనాఁ దప్పించుకొనేవారే బాయటనున్నా నీవాపన్నశరణ్యుఁడవు	॥ఎవ్వ॥
అట్టె లోకమువారు అర్థకామపరులే జట్టిగొని నీవైతే సర్వదాతవు పొట్టఁబొరుగుచుట్టాలు భోజనసహాయులే నెట్టన నీవైతే మాకు నిర్వాహకుఁడవు	॥ఎవ్వ॥
అంతటా వారికివారు ఆత్మపోషకులే రంతుల నీవైతే నానారక్షకుఁడవు సంతతము శ్రీవేంకటేశా మమ్ము నేలితివి పంతమున నీవు భక్తపరిపాలకుఁడవు	॥ఎవ్వ॥