ఆంధ్రభారతి - తాళ్లపాక అన్నమాచార్య కీర్తనలు - దేవ నీవు గల్పించిన తెరువు లివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 164-2
సంపుటము: 2-307

తాళ్లపాక అన్నమాచార్య

రాగము: ముఖారి

దేవ నీవు గల్పించిన తెరువు లివి నీవారైనవారి నేరుపులివి	॥పల్లవి॥
పరమశాంతునకుఁ బాపము రాదు విరతిగలవానికి వెరపు లేదు గురుసేవారతునకుఁ గోపము రాదు ధర సత్యవిదునకుఁ దప్పు లేదు	॥దేవ॥
పుట్టు బ్రహ్మచారికి బుద్ధి చెడదు అట్టె ఆసలేనివారికి అలపు లేదు తొట్టిన సుజ్ఞానికి దుఃఖములేదు గట్టియైన మౌనికి కలహమే లేదు	॥దేవ॥
సమచిత్తునకును చంచలము గాదు విమలాచారునకు వెలితి లేదు నెమకి శ్రీవేంకటేశ నీదాసులై కొల్చి భ్రమయనివారికి భారము లేదు	॥దేవ॥