ఆంధ్రభారతి - తాళ్లపాక అన్నమాచార్య కీర్తనలు - వారివారి కర్మములే వారిఁ జుట్టుకొనఁగాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 164-3
సంపుటము: 2-308

తాళ్లపాక అన్నమాచార్య

రాగము: శ్రీరాగం

వారివారి కర్మములే వారిఁ జుట్టుకొనఁగాను యీరీతి నీవే వారియెఱుక మాల్పితివి	॥పల్లవి॥
హిరణ్యకశిపుపాటు యెఱుఁగఁడా రావణుఁడు ధరలో హరికిఁ బగై తానూఁ బొలిసె విరసపు కంసుగతి వినఁడా దుర్యోధనుఁడు సరుగఁ దానూఁ బగై సమసినాఁడు	॥వారి॥
తెగి మురాసురుజాడ తెలియఁడా నరకుఁడు మొగిసి పోటుకుఁ బోయి మొక్కపోయను సొగిసి సోముకుదెస చూడరా దానవులెల్లా మగిడి మగడి పోరి మడిసిరి గాక	॥వారి॥
బలివోయిన తెరువు బాణుఁడు విచారించఁడా బలిమిఁ దొడరి భంగపడెఁ గాక యెలమి శ్రీవేంకటేశా యెవ్వరి నేమనవచ్చు యెలమి నిప్పటివార నెఱఁగరే కాక	॥వారి॥