ఆంధ్రభారతి - తాళ్లపాక అన్నమాచార్య కీర్తనలు - హరి నీదాసులభాగ్య మిది యెంతని చెప్పేము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 164-4
సంపుటము: 2-309

తాళ్లపాక అన్నమాచార్య

రాగము: శ్రీరాగం

హరి నీదాసులభాగ్య మిది యెంతని చెప్పేము విరివైన నీ సుద్దులు వింటిమయ్యా	॥పల్లవి॥
నెమ్మదిని నీవనేటి నిధానము గన్నవారు కిమ్ముల సంపన్నుల సుఖింతురయ్యా కమ్మటి నీభక్తియనే కామధేను వున్నవారు వుమ్మడి నచ్చికము లేకుందరయ్యా	॥హరి॥
చేరి నీపై చింతయనే చింతామణిగలవారు కోరినట్టల్లా బదుకుదురయ్యా సారపు నీకృపాపారిజాత మబ్బినవారు బోరన సంతోసాలఁ బొదలుదురయ్యా	॥హరి॥
హత్తి నీనామమనే అమృతముగలవారు నిత్తెమైన పదవుల నిలుతురయ్యా యిత్తల శ్రీవేంకటేశ ఇన్నిటా నన్నేలితివి సత్తుగా నీవారు నాకుఁ జనవిత్తురయ్యా	॥హరి॥