ఆంధ్రభారతి - తాళ్లపాక అన్నమాచార్య కీర్తనలు - ఇదివో నీప్రతాపము యెక్కడ చూచినాఁ దానే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 165-3
సంపుటము: 2-314

తాళ్లపాక అన్నమాచార్య

రాగము: నాదరామక్రియ

ఇదివో నీప్రతాపము యెక్కడ చూచినాఁ దానే యెదిటి బ్రహ్మాండము యిమ్ము చాల దిందుకు	॥పల్లవి॥
పనిగొంటే భువిలో నేఁబదియే అక్షరములు కొనాడితే నీగుణాలు కోటానఁగోటి యెనసి పదునాలుగే యెడమైన లోకములు అనిశము నీవియైతే ననంతమహిమలు	॥ఇది॥
మించి నిండుకొంటే నెనిమిదియే దిక్కులు అంచల నీకతలైతే ననేకములు యెంచి చూచితేఁ గలవి పంచమహాభూతాలే ముంచిన నీమాయ తుదమొదలే లేదు	॥ఇది॥
వుపమించి తెలిసితే నొక్కటే జగము అపురూపపు నీసృష్టి అతిఘనము అపరిమితపు జీవు లణువత్రులైనాను యెపుడు శ్రీవేంకటేశ యెక్కుడు నీదాసులు	॥ఇది॥