ఆంధ్రభారతి - తాళ్లపాక అన్నమాచార్య కీర్తనలు - ఎంతకత నడిపితి వే‌మి జోలిఁ బెట్టితివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 165-4
సంపుటము: 2-315

తాళ్లపాక అన్నమాచార్య

రాగము: నాదరామక్రియ

ఎంతకత నడిపితి వే‌మి జోలిఁ బెట్టితివి చింతించ లోకములు నీచేతివే కావా	॥పల్లవి॥
కౌరవులఁ బాండవుల కలహము వెట్టనేల నేరచి సారథ్యము నెఱపనేలా కోరి భూభార మణఁచేకొరకై తే నీచే చక్ర- మూరకే వేసితే దుష్టు లొక్కమాటే తెగరా	॥ఎంత॥
చేకొని వానరులఁగాఁ జేయనేల దేవతల జోకతో లంకాపురి చుట్టుకోనేల కాకాసురు వేసిన కసవే రావణుమీఁద- నాకడఁ జంపువెట్టితే నప్పుడే సమయఁడా	॥ఎంత॥
గక్కన శ్రీవేంకటేశ కంబములో వెళ్లనేల చొక్కముగాఁ బ్రహ్లాదుఁడు చూపఁగనేల చిక్కక హిరణ్యకశిపునాత్మలో నుండక తక్కించి నీవెడసితే తానే పొలియఁడా	॥ఎంత॥