ఆంధ్రభారతి - తాళ్లపాక అన్నమాచార్య కీర్తనలు - ఆతఁడే విష్ణుం డఖిలము నడపెడి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 166-3
సంపుటము: 2-319

తాళ్లపాక అన్నమాచార్య

రాగము: భైరవి

ఆతఁడే విష్ణుం డఖిలము నడపెడి యీతల నెవ్వరి కేఁటికిఁ జింతా	॥పల్లవి॥
పుట్టించఁ బెంచఁగ పొడవెక్కించ దేహుల గట్టిగా మాఁటలాడించఁ గదలించ పట్టి వాన గురియించ పైరులు మొలపించ తిట్ట పెట్ట నొకానొకదేవుఁడు గలఁడు	॥ఆతఁ॥
అన్నపానము లొఁగ నాపదలు గడపఁగ పన్ని మాయలు భువిఁ బచరించ విన్నపాలు సురలవి విని యందరి రక్షింప వున్నతోన్నతుఁడై వొకానొకకర్త గలఁడు	॥ఆతఁ॥
కాల మక్షయము సేయ కర్మము ఫలించఁజేయ తాళుకొని మరపించఁ దలఁపించ పాలుపడి శ్రీవేంకటపతియై వేదాలుచెప్పే- యేలిక యొకానొక యీశ్వరుఁడు గలఁడు	॥ఆతఁ॥