ఆంధ్రభారతి - తాళ్లపాక అన్నమాచార్య కీర్తనలు - అనంతాపరాధి నేను అటుగాన శరణంటిని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 167-2
సంపుటము: 2-323

తాళ్లపాక అన్నమాచార్య

రాగము: మలహరి

అనంతాపరాధి నేను అటుగాన శరణంటిని యెనలేని నీ గుణాలు యేమిచూచేనయ్యా	॥పల్లవి॥
దగ్గరి కొలుతు నాతరతమ్య మెంచుకోను సిగ్గువడ నిట్టే నిన్నుఁ జేరి పాడుదు వొగ్గి విన్నపాలు సేతు వుబ్బునఁ జిత్త మెరఁగ యెగ్గు లెంచితే నావల్ల నెన్ని లేవయ్యా	॥అనం॥
పాదాలంటి మొక్కుదును పరిశుద్ధి దలఁచను సాదించి కొలువవత్తు సత్వ చూడను యేదేసనైననా నుతింతు యెంగిలినోరని మాన పాదుగా విచారించితే బలుమూఢుఁడనయ్యా	॥అనం॥
మంచముపైఁ దలపోతు మందెమేళమనియన కంచముకూడర్పింతుఁ గాదననేర యెంచఁగ శ్రీవేంకటేశ యిన్నిటా నీబంట నైతి పంచలఁ జూచితే నీపాలివాఁడనయ్యా	॥అనం॥