ఆంధ్రభారతి - తాళ్లపాక అన్నమాచార్య కీర్తనలు - చెప్పవే నన్ను మన్నించి శ్రీపతి నాకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 167-6
సంపుటము: 2-327

తాళ్లపాక అన్నమాచార్య

రాగము: భూపాళం

చెప్పవే నన్ను మన్నించి శ్రీపతి నాకు యెప్పుడును జింతించే నిదే పనై నేను	॥పల్లవి॥
పొలసి నీరూప మెట్టు పొడచూపేవో యెలమి నాభాగ్య మిఁక నెట్టున్నదో అలరి నా కేబుద్ధి ఆనతిచ్చేవో కలిగిన నీమాయ యేగతిఁ గడచేనో	॥చెప్ప॥
వరుస నా కెట్లాఁ గైవసమయ్యేనో యిరవై నాజన్మఫల మెట్టున్నదో పరగ నామతి నెట్టు పాయకుండేవో కరుణానిధివి నిన్నే కరణి మెప్పించేనో	॥చెప్ప॥
పనివడి యెట్లా నీభక్తి యిచ్చేవో నా- మనసు చంచల మెట్టు మట్టుపడీనో యెనలేని నాతలఁపు యెఱిఁగి శ్రీవేంకటేశ నను నేలితివి యెట్లా నాకోరిక చెల్లీనో	॥చెప్ప॥