ఆంధ్రభారతి - తాళ్లపాక అన్నమాచార్య కీర్తనలు - ఇవి సేయఁగ నే నలసుఁడ యెటువలె మోక్షం బడిగెదను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 168-1
సంపుటము: 2-328

తాళ్లపాక అన్నమాచార్య

రాగము: భూపాళం

ఇవి సేయఁగ నే నలసుఁడ యెటువలె మోక్షం బడిగెదను వివరముతోడుత నీవు సులభుఁడవు విష్ణుఁడ నిన్నే కొలిచెదఁ గాక	॥పల్లవి॥
జపయజ్ఞదానకర్మంబులు యెంచఁగ జిరకాలఫలంబులు యెపుడుఁ బుణ్యతీర్థస్నానములు యిల పాపవిమోచనములు అపరిమిత దేవతాంతరభజనలు ఆయాలోకప్రాప్తులు వుపవాసాది నియమవ్రతములు తపోనిష్ఠకుఁ గారణంబులు	॥ఇవి॥
రవిచంద్రగ్రహతారాబలములు భువిలోఁ గామ్యఫలములు తవిలిన పంచేంద్రియనిగ్రహంబులు తనుధరులకు దుర్లభములు అవిరళ ధర్మార్థకామంబులు మఱి యైశ్వర్యములకు మూలములు అవల గ్రహణకాలానుష్ఠానము లధికఫలంబులు ఆశామయము	॥ఇవి॥
పరగ సప్తసంతానబ్రాహణతర్పణములు ఖ్యాతిసుకృతములు అరయఁ బుత్రదారక్షేత్రసంగ్రహ మందరికిని సంసారభోగము హరి నరహరి శ్రీవేంకటేశ్వరా అఖిలము నొఁసగెడి దాతవు సరుగన నీవే దయతో రక్షించఁజాలుదు వేకాలమును మమ్మును	॥ఇవి॥