ఆంధ్రభారతి - తాళ్లపాక అన్నమాచార్య కీర్తనలు - నారాయణ నీ పంపో నా భాగ్యమో ఇది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 168-4
సంపుటము: 2-331

తాళ్లపాక అన్నమాచార్య

రాగము: ధన్నాసి

నారాయణ నీ పంపో నా భాగ్యమో ఇది పేరుకొని పిలువని పేరటమై వున్నది	॥పల్లవి॥
వుడిగినాఁ గామాదు లొక్కొక్కవ్యాజాన వచ్చీ నుడిసి నడుముచొచ్చు చుట్టాలవలె తడవకున్నాఁ గర్మాలు తమ్ముఁ దామె సేయించీ బడిబడిఁ దిరుగును బంట్లవలె	॥నారా॥
చూడకున్నా దుర్గుణాలు సొంట్లు సోదించవచ్చీ వాడవాడలఁ దలవరులవలె యేడ నున్నా లంపటాలు యెదుటనే పొలసీని జోడువాయనీక తోడునీడలవలె	॥నారా॥
తలఁచకున్నా భోగాలు తనువుతోఁ బెనఁగీని చెలరేఁగి గరిడిలో జెట్లవలె బలిమి శ్రీవేంకటేశ భావములో నీమూరితి నిలుపవే యెందుకైనా నిగిడీ నామనసు	॥నారా॥