ఆంధ్రభారతి - తాళ్లపాక అన్నమాచార్య కీర్తనలు - దాఁచుకో నీపాదాలకుఁ దగ నేఁ జేసిన పూజలివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 169-6
సంపుటము: 2-338

తాళ్లపాక అన్నమాచార్య

రాగము: గుండక్రియ

దాఁచుకో నీపాదాలకుఁ దగ నేఁ జేసిన పూజలివి పూఁచి నీ కీరితిరూపపుష్పము లివియయ్యా	॥పల్లవి॥
వొక్క సంకీర్తనే చాలు వొద్దికై మమ్ము రక్షించఁగ తక్కినవి భండారాన దాఁచివుండనీ వెక్కసమగు నీ నామము వెల సులభము ఫలమధికము దిక్కై నన్నేలితివిఁక నవి తీరని నా ధనమయ్యా	॥దాఁచు॥
నా నాలికపైనుండి నానా సంకీర్తనలు పూని నాచే నిన్నుఁ బొగడించితివి వేనామాల వెన్నుఁడా వినుతించ నెంతవాఁడ కానిమ్మని నాకీ పుణ్యము గట్టితి వింతేయయ్యా	॥దాఁచు॥
యీమాఁట గర్వముగాదు నీమహిమే కొనియాడితిఁ గాని చేముంచి నా స్వాతంత్ర్యము చెప్పినవాడఁ గాఁను నేమానఁ బాడేవాఁడను నేరములెంచకుమీ శ్రీమాధవ నే నీ దాసుఁడ శ్రీవేంకటేశుఁడవయ్యా	॥దాఁచు॥