ఆంధ్రభారతి - తాళ్లపాక అన్నమాచార్య కీర్తనలు - ఇదివో నాసంపదా ఆస్తియుఁ బాస్తి నీవు ఇతరంబులు నాకుఁ బనిలేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 170-2
సంపుటము: 2-340

తాళ్లపాక అన్నమాచార్య

రాగము: గుండక్రియ

ఇదివో నాసంపదా ఆస్తియుఁ బాస్తి నీవు ఇతరంబులు నాకుఁ బనిలేదు పదిలంబుగ నా బ్రతుకెల్లా నీవే పాలించఁగదే నారాయణా	॥పల్లవి॥
ఉపమల నే నార్జించిన ఉన్నతధనంబు నీవు తపము సేయఁగాఁ గలిగెడు తత్ఫలంబు నీవు జపములవలనఁ గలిగెడు నా తేజః ప్రభావమును నీవు కపురుల దానధర్మాన పరోపకారంబులఁ బొందెడు మేలు నీవు	॥ఇది॥
పరము నాకు నీవు పరాత్పరమును నీవు గరిమల నిలలోపలి యనంతభోగంబులు నీవు గరుడోరగామరసిద్ధసాధ్యగంధర్వ పదములు నీవు సురమునిపితృపూజావేదపాఠ సుకృతంబులు నీవు	॥ఇది॥
నాలుగాశ్రమంబులు నానావిధ్యలు నీవు తాలిమి నాపంచవింశతితత్వంబులు నీవు ఈలీల శ్రీవేంకటేశ్వరా యిన్నియు నీవు నా కని యెరిఁగితి యేలితివి నాప్రాణంబులు నీవు యిల సర్వోపాయంబులు నీవు	॥ఇది॥