ఆంధ్రభారతి - తాళ్లపాక అన్నమాచార్య కీర్తనలు - జపములుఁ దపములు సంధ్యాదివిధులకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 170-4
సంపుటము: 2-342

తాళ్లపాక అన్నమాచార్య

రాగము: బౌళి

జపములుఁ దపములు సంధ్యాదివిధులకు నెపము నామీఁద నింతే నీకే సెలవు	॥పల్లవి॥
ఫలము నినుఁ గోరని పంతమువాఁడాఁ గాను వలెననడుగ నెంతవాఁడను నేను చెలఁగి నీవు కర్మము సేయించఁగాఁ జేసేటి- వెలలేక తెచ్చుకొన్న వెట్టివాఁడ నేను	॥జప॥
ఆస మానితిననేటి యహంకారి నేఁ గాను వాసికి నీతోఁ బెనఁగేవాఁడనా నేను వేసరకుండాఁ గట్లు విడిపించి యేలుకోఁగా దాసుఁడనై బదికేటి ధర్మపువాఁడ నేను	॥జప॥
జ్ఞానినైతిననే గర్వాచారపువాఁడాఁ గాను కానక నీపై మోపుగట్ట నోపను ఆనుక శ్రీవేంకటేశ ఆతుమ నీవుండఁగాను మోనాన నీకు మొక్కేటి మునివాఁడ నేను	॥జప॥