ఆంధ్రభారతి - తాళ్లపాక అన్నమాచార్య కీర్తనలు - చిత్తగించి రక్షించు శ్రీహరి నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 171-6
సంపుటము: 2-349

తాళ్లపాక అన్నమాచార్య

రాగము: భైరవి

చిత్తగించి రక్షించు శ్రీహరి నీవు యిత్తల మా నేరములు యెన్ని లేవయ్యా	॥పల్లవి॥
అంగము యేడుజానలు ఆస కొండలపొడవు యెంగిలిమేను ఆచార మెంతైనాఁ గద్దు జంగి లింతే సంసారము సాధించేది లోకమెల్లా అంగడిఁ బడి జీవుని కలపు లేదయ్యా	॥చిత్త॥
మఱి నల్లెఁడు నాలికె మాటలు గంపెఁడేసి యెఱుక గొంచె మజ్ఞాన మెంచఁగరాదు గుఱిలేనిది బదుకు కొలఁది లేదు భోగము వెఱవని జీవునికి వేసట లేదయ్యా	॥చిత్త॥
పట్టరానిది మనసు బయలు వందిలి చేఁత చుట్టుకొన్నది కర్మము వట్టిది గుట్టు యిట్టె యలమేలుమంగ నేలె శ్రీవేంకటేశుఁడు నెట్టన నీబంటుజీవునికి మితిలేదయ్యా	॥చిత్త॥