ఆంధ్రభారతి - తాళ్లపాక అన్నమాచార్య కీర్తనలు - మనసు నమ్మనేర్చితే మనుజుఁడే దేవుఁడౌను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 172-3
సంపుటము: 2-352

తాళ్లపాక అన్నమాచార్య

రాగము: లలిత

మనసు నమ్మనేర్చితే మనుజుఁడే దేవుఁడౌను తనలోనే వున్నవాఁడు తావుకొని దైవము	॥పల్లవి॥
మగనిపై బత్తిచేసి మగువ యొక్కరితె తెగి పరలోకము సాధించీనట వొగి వీరవైష్ణవుఁడై వున్నవాఁడు హరిఁ గొల్చి అగపడి ఘనమోక్షమంద నోపఁడా	॥మన॥
యేలికకై పగవారి నెదిరించి బంటొకఁడు మేలైన పదవులంది మెరసీనట వేళతో సుజ్ఞాని శ్రీవిష్ణుకైంకర్యాలుచేసి కాలమందే యందరిలో ఘనుఁడు గానోపఁడా	॥మన॥
పరమపురుషార్థపుపని చేసి యెుకరుఁడు అరిది నధికపుణ్యుఁ డయ్యీనట నిరతి శ్రీవేంకటేశ నిన్నుఁ బూజించి దాసుఁడు పరము నిహముఁ జెంది బ్రదుకఁగ నోపఁడా	॥మన॥