ఆంధ్రభారతి - తాళ్లపాక అన్నమాచార్య కీర్తనలు - సోదించి చూడఁబోతే చూచి మఱపు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 172-4
సంపుటము: 2-353

తాళ్లపాక అన్నమాచార్య

రాగము: దేసాక్షి

సోదించి చూడఁబోతే చూచి మఱపు వో దేవదేవ మించె నోహో నీ మాయ	॥పల్లవి॥
వొక్కటే పదార్థము వూరివారెల్లాఁ జూచితే గుక్కిళ్లు మింగించి యాసకొలుపుచుండు మక్కళిం చెందరిలోని మనసులు వేరు వేరో వొక్కటో యేమనవచ్చు నోహో నీమాయ	॥సోదిం॥
ధరలో బిడ్డ వొక్కటి తల్లిదండ్రులిద్దరు తొరలింపు వేడుకలై తోఁచుచుండు పెరిగేటి పుట్టుగులు భేదమో అభేదమో వొరుల కేమనవచ్చు నోహో నీమాయ	॥సోదిం॥
కోరే మోక్ష మొక్కటే కొలచే దిద్దరినట చేరే ని న్నలమేల్మంగ శ్రీవేంకటేశ మీరిద్దరు నేకమౌ మీభావాలే వింతలో వూరకే యేమనవచ్చు నోహో నీమాయ	॥సోదిం॥