ఆంధ్రభారతి - తాళ్లపాక అన్నమాచార్య కీర్తనలు - ఎన్నిపాట్లఁ బడ్డాను యెవ్వరికిఁ జెప్పినాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 172-5
సంపుటము: 2-354

తాళ్లపాక అన్నమాచార్య

రాగము: దేసాళం

ఎన్నిపాట్లఁ బడ్డాను యెవ్వరికిఁ జెప్పినాను పన్ని నీముద్రలఁ గాక పాపము వోయీనా	॥పల్లవి॥
కందువ నీపాదాలపైఁ గట్టిపెట్టినఁ గాక సందులుదూరే మనసు చక్కనుండీనా నిందలేక యేపొద్దు నిన్నే కొలిచినఁ గాక తుందుడుకు నీమాయ తొలఁగిపోయీనా	॥ఎన్ని॥
వుడివోని రుచులు నీకొప్పగించినఁ గాక బడిఁ బంచేంద్రియములు పాయనిచ్చీనా జడియక నే నీకు శరణుచొచ్చినఁ గాక వొడలిలో కామక్రోధా లుడిగిపోయీనా	॥ఎన్ని॥
నిక్కపు నాకర్మములు నీకొరకునైనఁ గాక యిక్కడ నేఁ జేసేటి హింస మానీనా పక్కన నలమేల్మంగపతివి శ్రీవేంకటేశ అక్కర నీకు మొక్కక అజ్ఞానము వోయీనా	॥ఎన్ని॥