ఆంధ్రభారతి - తాళ్లపాక అన్నమాచార్య కీర్తనలు - ఎఱిఁగినవారికి హింస లిన్నియు మాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 173-1
సంపుటము: 2-356

తాళ్లపాక అన్నమాచార్య

రాగము: మలహరి

ఎఱిఁగినవారికి హింస లిన్నియు మాని మఱి సత్యమాడితేను మాధవుఁడే దిక్కు	॥పల్లవి॥
కలుగుఁ గారణములు కామక్రోధములు రేఁగ వెలసిన మాయవికార మది కలఁగఁగ వలనదు కర్త లెవ్వరుఁ గారు తెలిసి వోరుచుకొంటే దేవుఁడే దిక్కు	॥ఎఱిఁ॥
పదార్థా లెదుట నిలుచుఁ బంచేంద్రియాలు రేఁగ వెదచల్లేటి మాయావికార మది పదరి పైకొనవద్దు పట్టితేఁ బసలేదు చెదరక వోరిచితే శ్రీపతే దిక్కు	॥ఎఱిఁ॥
సిరులు తానే వచ్చే చిత్తాన నాసలు రేఁగ విరసపు మాయావికారమది పరగ నలమేల్మంగపతి శ్రీవేంకటేశ్వరు శరణంటే నితని చరణాలే దిక్కు	॥ఎఱిఁ॥