ఆంధ్రభారతి - తాళ్లపాక అన్నమాచార్య కీర్తనలు - నీవు వెట్టినట్టి చిక్కు నీవే తెలుపవలె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 173-5
సంపుటము: 2-360

తాళ్లపాక అన్నమాచార్య

రాగము: దేసాక్షి

నీవు వెట్టినట్టి చిక్కు నీవే తెలుపవలె నా వశమా తెలియ నారాయణా	॥పల్లవి॥
నీటిలోన నొకబుగ్గ నిమిషములోనఁ బుట్టి కోటిసేసినట్లుండుఁ గొంతవడి పాటించి యందే యడఁగెఁ బ్రకృతియో బ్రహ్మమో యేఁటిదో వీని యర్థ మెరిఁగించవయ్య	॥నీవు॥
ఆకసాన నొకగాలి అట్టె మ్రోయుచుఁ బొడమి లోకము సేయ విసరు లోలోనె మైకొని యందే యడఁగె మాయయో సత్యమో యీకడ నీయర్థము మా కెఱిఁగించవయ్య	॥నీవు॥
భూమిలోన మొలకలు పుట్టుచు శ్రీవేంకటేశ వాములై వెలయు నేసేవారికి ఆముక యందే యడఁగె అసత్తో ఇది సత్తో యేమో యీయర్థము మా కెరిఁగించవయ్య	॥నీవు॥