ఆంధ్రభారతి - తాళ్లపాక అన్నమాచార్య కీర్తనలు - ఆరసి వేరొకచో ముక్తడుగఁగవలదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 175-2
సంపుటము: 2-370

తాళ్లపాక అన్నమాచార్య

రాగము: సామంతం

ఆరసి వేరొకచో ముక్తడుగఁగవలదు సారపు లౌకికవిమోచనమే ముక్తి	॥పల్లవి॥
మొగిఁ బుణ్యపాపవిముక్తియే ముక్తి వెగటుఁ బ్రపంచపువిముక్తే ముక్తి తగులు సంసారబంధవిముక్తే ముక్తి జగములోఁ గలుగు యాశాముక్తే ముక్తి	॥ఆర॥
కామక్రోధాదిసంగ విముక్తే ముక్తి వేమారు రుచులపై విముక్తే ముక్తి నాముల దేహభిమానపు ముక్తే ముక్తి పామెడి కోరికలసంపద ముక్తే ముక్తి	॥ఆర॥
ముందువెనకల కర్మమోచనమే ముక్తి అంది సుఖదుఃఖభయ ముక్తే ముక్తి కందువ శ్రీవేంకటేశుఁ గని యందే శరణని విందుల నితరసేవావిముక్తే ముక్తి	॥ఆర॥