ఆంధ్రభారతి - తాళ్లపాక అన్నమాచార్య కీర్తనలు - దేహంబొకటే దేహియు నొకఁడే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 176-4
సంపుటము: 2-378

తాళ్లపాక అన్నమాచార్య

రాగము: బౌళి

దేహంబొకటే దేహియు నొకఁడే దాహంబెంతటఁ దనియునో తలఁపు	॥పల్లవి॥
వినుకలి వెంట వెడలీఁ దలఁపు కనుకలి వెంటఁ గదలీఁ దలఁపు కొననాలుక మదిఁ గూడీఁ దలఁపు తునిగిన యెన్నెన్ని తునకలో తలఁపు	॥దేహం॥
నయమగు చోటను నవ్వీఁ దలఁపు భయమగు చోటను బడలీఁ దలఁపు లయమై నిద్రల లవమౌఁ దలఁపు క్రియ నెందరి పంగెనయో తలఁపు	॥దేహం॥
భావించిన గతిఁ బారీఁ దలఁపు వేవేలు గతుల వెలసీఁ దలఁపు శ్రీవేంకటపతి చిత్తము లోపల నీవే తెలుపఁగ నినుఁగనె తలఁపు	॥దేహం॥