ఆంధ్రభారతి - తాళ్లపాక అన్నమాచార్య కీర్తనలు - మచ్చికఁ బ్రపంచపుమరుపే బ్రహ్మానంద - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 178-1
సంపుటము: 2-386

తాళ్లపాక అన్నమాచార్య

రాగము: బౌళి

మచ్చికఁ బ్రపంచపుమరుపే బ్రహ్మానంద- మిచ్చల తానే గురి ఇన్నిటికి నాత్మ	॥పల్లవి॥
లోచూపే వెలిఁబడి లోకమయి తోఁచీని ఆచూపే మరలితే నది మోక్షము యేచి రెంటికి నెడమధ్య మీమేను తాచి వొకఁడే గురి తానాయ నాత్మ	॥మచ్చి॥
మన సొక్కచోట నుండి మాయలై తోఁచీని మనసు తనందుంటే మహి యోగ్యము వెనకమునుపులకు వీడుఁబట్టు జననము కొనమొదలునుఁ దానే గురియాయ నాత్మ	॥మచ్చి॥
బయలు దునిసి బహుభానులై తోఁచీని బయ లొక్కట యఖండపరిపూర్ణము నయమై శ్రీవేంకటనాథు కరుణచేత జయమై తానున్నచోనే సతమాయ నాత్మ	॥మచ్చి॥