ఎవ్వరిఁ గాదన్న [1]నిది నిన్నుఁ గాదంట యెవ్వరిఁ గొలిచిన [2]నిది నీకొలువు	॥ఎవ్వరి॥
అవయవములలో నదిగా దిదిగా- దవి మేలివి మేలననేలా భువియుఁ బాతాళము దివియు నందలి జంతు- నివహ మింతయునూ నీదేహమే కాన	॥ఎవ్వరి॥
నీవు లేనిచోటు నిజముగఁ దెలిసిన ఆవల నది గా దనవచ్చును శ్రీవేంకటగిరి [3]శ్రీనాథ సకలము భావింప నీవే పరిపూర్ణుఁడవు గాన	॥ఎవ్వరి॥

---

^[1][2] ‘నది’ అని పూ.ము.పా. ‘అది’ అని రేకు. యతిభంగము.

^[3] ‘శ్రీనాధ’ అని రేకు.