ఆంధ్రభారతి - తాళ్లపాక అన్నమాచార్య కీర్తనలు - అంతరాత్మ హరి గలఁడంతే చాలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 178-3
సంపుటము: 2-388

తాళ్లపాక అన్నమాచార్య

రాగము: లలిత

అంతరాత్మ హరి గలఁడంతే చాలు యెంతకెంత చింతించనేలా వెఱవ	॥పల్లవి॥
వెనక జన్మపు గతి వివరించి నే నెరగ అనుగు మీఁదటి జన్మమది యెఱగ ననిచి యీ జన్మము నానాఁట దెలిసేము యెనసి యీ భవములకేలా వెఱవ	॥అంత॥
నిన్నటి దినము కత నిమిషమై తోఁచీని కన్నుల రేపటి చేఁత కానఁగరాదు పన్ని నేఁటి దినము మున్ను నోఁచినట్లే యెన్నఁగ నెందుకునైనానేలావెఱవ	॥అంత॥
పరము నిహము నేఁ బైకొన నా యిచ్చగాదు హరి శ్రీవేంకటపతి యఖిలకర్త శరణంటి నాతనికి స్వతంత్ర మతనిది యిరవైతి నింకా నాకేలా వెఱవ	॥అంత॥