ఆంధ్రభారతి - తాళ్లపాక అన్నమాచార్య కీర్తనలు - సమబుద్ధే యిందరికి సర్వవేదసారము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 182-1
సంపుటము: 2-409

తాళ్లపాక అన్నమాచార్య

రాగము: సామంతం

సమబుద్ధే యిందరికి సర్వవేదసారము సముఁడిందరికి హరి సాధన మో యయ్యా	॥పల్లవి॥
చీమకుఁ దనజన్మము చేరి సుఖమై తోఁచు దోమకుఁ దనజన్మము దొడ్డసుఖము ఆమనియీఁగకు సుఖ మాజన్మమై తోఁచు యేమిటా నెక్కువసుఖ మెవ్వరి కేదయ్యా	॥సమ॥
జంతురాసులకు నెల్లా జననము లొక్కటే అంతటాను మరణము లవియొక్కటే చెంత నాహారనిద్రలు స్త్రీసుఖా లొక్కటే ఇంతటా నిందుకంటే నెవ్వ రేమి గట్టిరయ్యా	॥సమ॥
ఇందులోన నెవ్వరైనానేమి శ్రీవేంకటపతి- నందముగాఁ దలఁచిన దది సుఖము యెందుఁ జూచిన నీతఁ డిందరిలో నంతరాత్మ చందముగా నెవ్వరికి స్వతంత్ర మేదయ్యా	॥సమ॥