ఆంధ్రభారతి - తాళ్లపాక అన్నమాచార్య కీర్తనలు - కరుణానిధివి గాన కాచితేనేమో కాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 182-2
సంపుటము: 2-410

తాళ్లపాక అన్నమాచార్య

రాగము: బౌళి

కరుణానిధివి గాన కాచితేనేమో కాని సరికి బేసికి నిన్ను అరయఁ జోటున్నదా	॥పల్లవి॥
కాయములోపలి నిన్నుఁ గని మని కొలువక ఆయపుఁగర్మమె బ్రహ్మ మని వుంటిని చీయని నాచేఁతకు నే సిగ్గువడుండుట గాక ఆయమేమైనా నిన్ను నడుగఁ జోటున్నదా	॥కరు॥
సకలచైతన్యుఁడవై సరి నాలో నుండఁగాను వికటపు విషయాలవెంటఁ బారితి వొకరు రక్షించఁగా వేరొకరిపాలైన నాకు తుకతుకలేకాక దూరఁగఁ జోటున్నదా	॥కరు॥
పట్టి శ్రీవేంకటగిరిఁ బ్రత్యక్షమై యుండఁగాను ఇటు నటుపై వైకుంఠ మేల కోరేను దిట్టనై నానేరమి నే తెలిసి నవ్వుట యింతే ఇట్టె నీచిత్తము గాక యెంచఁగఁ జోటున్నదా	॥కరు॥