ఆంధ్రభారతి - తాళ్లపాక అన్నమాచార్య కీర్తనలు - ఇన్నిటా నొరయక యెఱు కేది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 182-3
సంపుటము: 2-411

తాళ్లపాక అన్నమాచార్య

రాగము: శంకరాభరణం

ఇన్నిటా నొరయక యెఱు కేది వెన్నుని కృపఁగా వెలసేది	॥పల్లవి॥
కోపము మతిలోఁ గుందినపుడువో పాపము లన్నియుఁ బాసేది తీపుల యాసలు దీరినపుడువో తాపత్రయములు దలఁగేది	॥ఇన్ని॥
ఘనకర్మంబులు గడచినపుడువో వెనుకొను భవములు విడిచేది మునుకొని యింద్రియములు వీడినఁబో పనివడి విరక్తి బలిసేది	॥ఇన్ని॥
ఆఁకటిరుచు లివి యణఁగినపుడువో చేకొని సుఖమునుఁ జెందేది యీకడ శ్రీవేంకటేశ్వరు శరణము పైకొనిననుఁబో బదికేది	॥ఇన్ని॥