ఆంధ్రభారతి - తాళ్లపాక అన్నమాచార్య కీర్తనలు - సకలోపాసకులకు నందును సగుణంబే ప్రమాణము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 182-3
సంపుటము: 2-412

తాళ్లపాక అన్నమాచార్య

రాగము: సాళంగనాట

సకలోపాసకులకు నందును సగుణంబే ప్రమాణము సకలమునీంద్రులు పూజించే యీసాకారమె ప్రమాణము	॥పల్లవి॥
సగుణంబని నినుఁ గొందరు సరి నిర్గుణమని కొందరు వగలఁ బెక్కుగతిఁ జదివిన కొలఁదుల వారికి వారే వాదింతురు అగణితస్వతంత్రుఁడవు గాన అల వాల్మీకి ఇట్టిట్టనకే అగు "నిర్గుణాయ గుణాత్మనే" యని ఆనతి ఇచ్చుటే ప్రమాణము	॥సక॥
సోహం బని కొందరు "దాసోహం" బని కొందరు సాహసవృత్తుల రెండుదెరంగుల సకలవివేకులు భజింతురు దేహధారియై "దాసోహం" బని తేరి శుకుఁడు మీలోఁ గలసె సోహపుభావన సర్వజగత్తులఁ జూపినదే ప్రమాణము	॥సక॥
ఆరుశాస్త్రముల నారుమతంబుల నారుగర్మములనైనాను యీరీతుల మిము శరణని కొలువక యెవ్వరి కుపాయము లేదు నారదాదులగు భక్తు లిందరును నానాగతు లరసి చూచి సారపు శ్రీవేంకటపతి మీకే శరణనుటే ప్రమాణము	॥సక॥