ఆంధ్రభారతి - తాళ్లపాక అన్నమాచార్య కీర్తనలు - హరి నెఱఁగని జన్మ మది యేలా ఆ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 182-5
సంపుటము: 2-414

తాళ్లపాక అన్నమాచార్య

రాగము: మాళవి

హరి నెఱఁగని జన్మ మది యేలా ఆ- సరుస నాతఁడులేని చదువేలా	॥పల్లవి॥
దయదొలఁగినయట్టి తపమేలా భయములేనియట్టి భక్తేలా ప్రియముమానినయట్టి పెనఁగేలా మంచి- క్రియావిరుద్ధపు కీర్తనలేలా	॥హరి॥
ఫలములేనియట్టి పనులేలా కడుఁ గలిమిలేనియట్టి గర్వమేలా బలిమిలేనియట్టిపంతామేలా శౌరి- దలఁచలేని యట్టితనువది యేలా	॥హరి॥
తన కమరని దొరతనమేలా చనవులేనియట్టి సలిగె యేలా యెనలేని శ్రీవేంకటేశ్వరుని శరణని మనఁగలిగినమీఁద మరి చింతలేలా	॥హరి॥