ఆంధ్రభారతి - తాళ్లపాక అన్నమాచార్య కీర్తనలు - దోమటి నింతెరఁగరా తొల్లిటివారు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 183-1
సంపుటము: 2-415

తాళ్లపాక అన్నమాచార్య

రాగము: లలిత

దోమటి నింతెరఁగరా తొల్లిటివారు వామదేవవసిష్ఠవ్యాసాదులు	॥పల్లవి॥
తానే దైవమైతే తపమేల జపమేల పూని సారెఁ బూజించే పూజలేల కూను వంగి యింటింటఁ గోరనేల వేఁడనేల యీనెపాన లోకమెల్లా నేలరాదా తాను	॥దోమ॥
తగఁ దా స్వతంత్రుఁడై తే దరిద్రదుఃఖములేల నొగిలి వ్యాధులచేత నొవ్వనేల నగుఁబాటులైన జననమరణములేల ముగురువేల్పులదండ మొనచూపరాదా	॥దోమ॥
శ్రీవేంకటేశుఁడే శేఖరపు దైవమని సావధానుఁ డితనికి శరణుచొచ్చి భావములోపలఁ దనపాపబంధములఁ బాసి తావుల నాతనికృప దండ చేరరాదా	॥దోమ॥