ఆంధ్రభారతి - తాళ్లపాక అన్నమాచార్య కీర్తనలు - అవియు నాకుఁ బ్రథమాచార్యులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 183-2
సంపుటము: 2-416

తాళ్లపాక అన్నమాచార్య

రాగము: గుండక్రియ

అవియు నాకుఁ బ్రథమాచార్యులు తవిలి యీనెపము మిముఁ దలఁపించుఁ గాన	॥పల్లవి॥
ధనవాంఛ మతిలోనఁ దగిలినప్పటివేళ దనుజారి మీమీఁద దలఁపు గలుగు పొనిగి భయదుఃఖములఁ బొరలినప్పటివేళ పనివూని మీమీఁది భక్తి గలుగు	॥అవి॥
చెలఁగి పాపములు మించినవేళ హరి మీ- నలువు నామోచ్చారణంబు గలుగు బలిమి భవరోగముల బడలినప్పటివేళ వలుమారు మీసంప్రార్థనలు గలుగు	॥అవి॥
ఇన్నిటాఁ దొలఁగి మిము నెరిఁగి కొలిచినవేళ మన్ననల పరిణామంబు గలుగు వున్నతపు శ్రీవేంకటోత్తముఁడ మిము నెదుటఁ గన్న యీవేళ సౌఖ్యంబులే కలుగు	॥అవి॥