ఆంధ్రభారతి - తాళ్లపాక అన్నమాచార్య కీర్తనలు - దేహి నిత్యుఁడు దేహము లనిత్యాలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 183-5
సంపుటము: 2-419

తాళ్లపాక అన్నమాచార్య

రాగము: బౌళి

దేహి నిత్యుఁడు దేహము లనిత్యాలు యీహల నా మనసా యిది మరవకుమీ	॥పల్లవి॥
గుదిఁ బాతచీర మాని కొత్తచీర గట్టినట్టు ముదిమేను మాని దేహి మొగిఁ గొత్తమేను మోచు అదనఁ జంపఁగ లేవు ఆయుధము లీతనిఁ గదిసి యగ్నియు నీరు గాలియుఁ జంపఁగలేవు	॥దేహి॥
యీతఁడు నరకువడఁ డీతఁ డగ్నిఁ గాలఁడు యీతఁడు నీట మునుఁగఁ డీఁతఁడు గాలిఁబోఁడు చేతనుఁడై సర్వగతుండౌ చెలియించఁ డేమిటను యీతల ననాది యీతఁ డిరవు గదలఁడు	॥దేహి॥
చేరి కానరానివాఁడు చింతించరానివాఁడు భారపు వికారాలఁ బాసినవాఁడీ యాత్మ ఆరయ శ్రీవేంకటేశు నాధీన మీతఁడని సారము దెలియుటే సత్యం జ్ఞానము	॥దేహి॥