ఆంధ్రభారతి - తాళ్లపాక అన్నమాచార్య కీర్తనలు - ఇది యరుదను నొకఁడిది యరుదని చెప్పు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 184-1
సంపుటము: 2-421

తాళ్లపాక అన్నమాచార్య

రాగము: లలిత

ఇది యరుదను నొకఁడిది యరుదని చెప్పు యిది యరుదని విను నెవ్వఁడూ నెఱఁగఁడు	॥పల్లవి॥
పుట్టినవానికినెల్లా భువి మరణము నిత్య- మట్టే చచ్చినవారి కవ్వల జననము పుట్టిననాఁడై తేను పొడగానరాదు మేను కొట్టఁగొనఁ గానరాదు కొన్నాళ్లే కాని	॥ఇది॥
జీవుఁడు నిత్యుఁ డేమిటాఁ జెరుపఁగరానివాఁడు యీవివేకము దెలిసి యేజాతివారైనా దైవికమే నమ్మి తమధర్మములఁ బాయరాదు సావధాన మిదియే సంసారయోగము	॥ఇది॥
చి త్తమా నీలోపలను శ్రీవేంకటేశ్వరుఁడు పొత్తునఁ గూడున్నవాఁడు పొదిగి పాయకు నీవు యెత్తి ‌నాదేహగుణము ఇది జీవగుణ మిది ఇత్తలాదైన గుణము యిది మఱవకుమీ	॥ఇది॥