ఆంధ్రభారతి - తాళ్లపాక అన్నమాచార్య కీర్తనలు - నాకు నీవు గలవు హరి నా లోపలనుండి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 184-2
సంపుటము: 2-422

తాళ్లపాక అన్నమాచార్య

రాగము: ముఖారి

నాకు నీవు గలవు హరి నా లోపలనుండి పైకొని యిన్నియు బదుకనీవయ్యా	॥పల్లవి॥
పసిగొని రుణానుబంధము కొలఁదే పసులునుఁ బడతులు బహుసుతులు వసముగావు తమవంతులు దీరిన పసగా నవియే బదుకనీవయ్యా	॥నాకు॥
పెనగొని భటులకుఁ బెట్టిన కొలఁదియు పనులునుఁ గీర్తులు పంతములు అనువులు దప్పును అవి గడమైతే పనివడి యివియే బదుకనీవయ్యా	॥నాకు॥
కడుసంపదలును కాలము కొలఁదే బడిబడిఁ జవులై ఫలియించు యెడపక శ్రీవేంకటేశుఁ డిచ్చె నివే పడసితి మివియును బదుకనీవయ్యా	॥నాకు॥